7) U paese arruvinatu di Pinitu (prununcia : pi-nitu)
© IGN PARIS 2007
Pinitu hè un paisolu in irruvina postu à circa un'ora di marchja da a Sarreda. U più si piglia u Trà Mare è Monti, chì ci vole à lascià pocu innanzu di ghjunghje. (tandu hè in vista u paisolu, da vede a rubrica "Spassiate" da avè una discrizzione di cumu andacci)
Si sà ch'ellu esistia u paisolu di Pinitu in lu 1485, postu chì u so nome spunta ind'un ducumentu di st'epica chì face a lista di e cummunità. Ma causa di e rivolte di i signori da Leca contr'à Ghjenuva è a so scunfitta, sò tinute e cummunità di u Sia di fughje ver'di u Filosorma, a Balagna è in particulare Calvi, induva certi firmaranu. Altri sò bramosi di vultà, è u so ritornu in le tarre di Sia hè accittatu in lu 1516, cundizione d'ùn intratene più rilazione cù i Niulinchi, numichi soliti è parmanenti di Ghjenuva.
Causa di l'assalti senza risparu da i Turchi, u Sia è u Salognu si viotanu rigulare, ma à a fine di u 18imu seculu s'impiantanu torna e pupulazione ind'è l'antichi lochi pupulati di u Salognu è di u Sia, frà quelli Pinitu.
Durante u 19imu, l'accriscimentu di a pupulazione cagiona a sidintarizazione di e pupulazione pasturale, è a stinsione di certe lucalità cum'è Partinellu è a Sarreda si face à svantaghju di Pinitu.
A falata di Pinitu ùn piantarà più, fin'à u so abbandonu difinitivu in lu corsu di u 20imu seculu. Da nutà ch'un abitante di a Sarreda d'88 anni ci hè natu.
dispusizione di e case (vista satellitu ricacciata da Géoportail) |
vista ginerale di Pinitu ghjunghjendu |
una casa scantata è in fondu u Monte Sanincu |
trè case vicine chì danu ind' una corte |
duie prima case chì si vedenu ghjunghjendu, appena suligne |
duie di e trè case chì danu in la corte |
case suprane |
case suttane |
e case sò stuccate da più à menu |
a casa suprana, scantata è in la lamaghja |
una casa à l'insù |
e case suprane |
e case suttane, pruviste d'una corte |
case suprane |
case suttane |
une poche di case |
altra vista |
vista à 360 gradi |
||