Ci hè statu in lu Pumonte parechje minere di minirali diversi : minera di carbone in Osani, di ramu in Marignana à vicin'à u paisolu di Revinda, è prove da scavà u farru di sopr'à a Bocca à a Femina Morta in Marignana.
Carta di e minere (carta IGN ricacciata da Géoportail, par carte più pricise, da vede a rubrica "Spassiate")
© IGN PARIS 2007
1) a cava di u carbone d'Osani
Surgente principale di l'infurmazione : http://scripophilie.corse.free.fr/histo/osani.html
U ghjacimentu d'Osani hè statu sculifatu versi a fine di l'anni 1850 da parechji ingigneri di e mine. Dece anni più tardi, cuncissione sò dumandate da industriali marsigliesi è da i Ponti, Filippini è Rousseau, ch'eranu i prima aspittori d'issi lochi ind'ì l'anni 1840. Ma isse cuncissione sò ricusate mancanza di travagli è d'accunciamenti.
Dopu numarose accadute amministrative, e cave (particularmente in li lochi Cardella, Spirone, Muratu) sò sfruttate da sucetà sfarente trà u 1889 è u 1921.
À parte da u 1907, si prova à mette in approdu a via marittima da incamminà u carbone, ma e stallazione sò dannificaate da u principiu da una timpesta.
In lu 1901, cù u travagliu d'una trintina d'uparai, une poche dicine di tonne sò stratte. 200 tonne sò scavate in lu 1903, eppo' 1000 in lu 1905. A splutazione và à cumpienda in lu 1907, cagione chì u minirale hè cunsidaratu piriculosu.
