U paese hè fundatu da Ghjuvan Tumasgiu Ceccaldi in lu 1690, quand’ellu torna à accupà u situ di e Piane cù parechje famiglie di a valle di u Portu. Diventa un paese autonumu in lu 1713. Hè principiata a custruzzione di a ghjesgia attuale didicata à l’Assunzione in lu 1765, affinch’ella sia rimpiazzata l’anziana cappella San Petru San Paulu. Sarà compia in lu 1792 è aparta à u cultu 3 anni più tardi. Un annu in quà hè alzatu u so rangu à parochja. A scelta archititturale hè listessa à quella chì si face d’abitudine : navata cintrale arcata à veculu è canti cù volte à crucere. U dicoru pintu hè statu rializatu in lu 1879 da u pittore Paolo Matteo Novellini.

Carghjese hè statu criatu pà i Grechi chì sò vinuti da Aiacciu versi u 1775. Eranu ghjunti in Corsica à pocu pressu un seculu innanzu da Vytuto. Si trattava di lascialli vultà à vicin'à e prima tarre ch'elli avianu sceltu par istabuliscesi à a so ghjunta in Corsica, ci hè à dì in lu circondu di Paomia. U paese di Carghjese hè statu dissignatu da i Francesi prima d'esse custruitu è quessa spiega l'aspettu rigulare d'une poche di e so strette.A dicisione di custruisce una ghjesgia da i Catolichi hè pigliata in lu 1817. Hè cunsidarata cum'è accimata in lu 1850 a custruzzione. A ghjesgia hè longa 25 metri, larga 8 metri è alta 15 metri.

A ghjesgia chì si vede oghje hè quella ch'hà rimpiazzatu l'antica ghjesgia di i Grechi. Prima vulianu accuncià l'anziana ghjesgia ma finalmente una nova ghjesgia sarà inalzata trà u 1854 è u 1872, bench'elle sianu state stallate solu in lu 1895 e campane.