Cum'è in tutti i rughjoni di Corsica, e funtane è a cugliera di l'acqua sò di primura in lu Pumonte. Suvente (si pò dì sempre), a vicinanza d'una surgente, o d'un fiumicellu chì pudia esse coltu o tortu,  era a cundizione di u stabulimentu d'una famiglia, d'un piazzile o d'una cummunità.

Tuttavia, e funtane ughjinche sò a maiò parte di u tempu di fattura evuluata, è dunque u segnu chì u stabulimentu era difinitivu. Ponu ancu tistuminià d'una certa ricchezza di a cummunità, è ne risulta chì a so custruzzione sott'à a so forma attuale hè ricente. À spessu hè scalpillinata a data di a custruzzione annantu.

Oltre di ciò, accorre à fà a distinzione trà e funtane lucalizate in cor'à i paesi, è quelle poste à u tagliu di i stradò, ancu più ricente è suvente opare di l'ammistrazione.

Eccu una prima siria di futtò di e funtane pumuntinche chì sò poste in li paesi. Hè da cumplittà.

Vene avà una siria di funtane stradale. Quella di Partinellu hè vicina abbastanza à u paese da esse classificata frà e funtane di i paesi.