8) a Torra di Turghju : da u bar à u Capu Rossu
Partanza : | u bar in una girata, 6 km dopu a Piana, versi Arone |
Distanza : | circa 4 km (andà) |
Slivellu : | 271 m (andà) + 259 m (vultà) |
durata : | 1 - 2 ore (andà) |
Difficultà d'orientazione : | alcuna |
Difficultà fisica : | a cullata finale hè corta ma arritta, è si colla dinò à u ritornu. A difficultà principale vene da u caldu d'istate |
Rimarche : | sguasgi micca ombra in lu parcorsu. D'istate si pate da u caldu da 10 ore è mezu. Privede assai acqua. |
Carte |
© IGN PARIS 2007 |
|
Si parte da una girata ch'ùn si pò mancà circa 6 chilometri dop'à Piana. Ci hè un bar, è di tutta manera, hè passendu davant'à u puntu di partanza di a spassiata ch'ella s'avvede a torra pà a prima volta.
U principiu di a strada hè chjaru assai, è si pò omu gode e viste ver'di a torra è di u golfu.
Prestu si farà casu à a prisenza di parechje mandrie in irruvina.
Da luntanu si vede una casa suligna. Hè situata à pocu pressu à a fine di a parte chì fala, à u pede di a teppa bella arritta chì colla à a torra, è ci si ghjunghje dopu à pocu pressu 1 ora di marchja. Ci si trova ancu un'aghja.
Prima hè solu teppa.
Prestu diventa una vera rampa, senza mancu più un veru andatu.
Si piglia altitudine prestu prestu, è a cullata ùn lascia micca rispiru.
In fine, si righjunghje a fine di a cullata, cù una bella vista versu u Capu Sanincu è u Golfu di Portu.
A torra hè à 5 minuti appena.
Un ghjornu chjaru, senza nebbia marina, si vede a torra di Portu.
A torra hè di sopr'à u mare, sguasgi à piccu.
I culori è l'ombre cambianu sicondu l'ora.