Pista, strada o camminu
evidente da suvità, marcatu bè o rimarchevule, ùn ci hè paura à perdelu. Pianu
senza utule.Passighjate
Saranu discritte par iste pagine une poche di passighjate chì si ponu fà in lu rughjone. A so difficultà sarà varievule è sarà adupratu u codice spacificatu quì sottu :
Pista, strada o camminu
evidente da suvità, marcatu bè o rimarchevule, ùn ci hè paura à perdelu. Pianu
senza utule.
Strada, camminu, andatu o solu
traccia cunfurtevule ma menu visibule. Hè megliu à esse attenti. Pianu
cunsigliatu.
Traccia chì si perde
faciule, orientazione par via di cairn o solu à vista, è chì richere un'attinzione
più incalcata. Pianu indispinsevule.
Cumu voglia chì sia, si ricummanda forte di tene sempre un pianu IGN cù sè.
E linie tracciate annant'à i stratti di e carte IGN è Google Earth sò suvente apprussimative è indicative, for'di i casi ch'elle coprenu piste, cammini o andati riprisintati annant'à e carte IGN. Face ch'ùn si devenu suvità di manera rigurosa, ma solu par dassi un'idea di e dirizzione è di a forma di l'itinirariu.
L'indicazione di a durata currispondenu à una marchja piuttostu lestra è à una marchja piuttostu lenta, senza troppu piantate. Di sicuru, si pò mette tempu di più o tempu di menu.
Accorre quì à ramintà chì l'indicazione di a difficultà sò sughjittive assai, è dipendenu da e cundizione : u ventu, a timpiratura, a vitezza di a marchja è di sicuru u livellu fisicu di u marchjadore anu un' influenza forte annant'à a difficultà.
Eccu e carte IGN ghjuvevule pà e passighjate di u rughjone :4150 OT Porto Calanche de Piana, 4250 OT Corte Monte Cinto, 4151 OT Vico Cargèse Golfe de Sagone è 4251 OT Monte d'Oro Monte Rotondo.
