10) u lagu di Ninu : da Puppaghja (prununcia = pu-ppaghja) à u lagu di Ninu
Partanza : | casa furistiera di Puppaghja, in Niolu, 1076 m |
Distanza : | circa 4,5 km (andà) |
Slivellu : | 686 m (andà) + 19 m (vultà) |
durata : | 2 - 3 ore (andà) |
Difficultà d'orientazione : | poca, fidià bè e marche |
Difficultà fisica : | agevule fin'à a mandria di Colga, abbastanza difficiule dopu |
Rimarche : | stà attenti à u tempu, ch'hà a tindenza à esse cupartu u dopu meziornu, timpurali fraquenti d'istate |
Carte |
© IGN PARIS 2007 |
|
Si parte da a casa furistiera di Puppaghja in lu Valdu Niellu (Niolu).
U principiu hè insignatu bè è faciule da tantu ch'ella hè dolce a cullata.
1 ora più tardi s'esce da a furesta è si scopre a valle di Colga.
Un pocu dopu, si vede u piazzile di Colga.
A parte a più difficiule cumencia tandu, cù un passu chì dumanda attinzione da mez'à i blocchi.
Eppo' dopu a cullata si face più ritta.
1 ora dopu a mandria di Colga si vede a Bocca à a Stazzona...
... è sbucchendu si scopre subitu subitu u Lagu di Ninu :
U piriudu idiale hè u viranu, chì ci corre assai più acqua ed hè assai più verde. Ma ancu à a fine di l'istate ci sarà parechji cavalli è vacche intorn'à u lagu.
S'ellu si colla appena suvitendu u GR20, si vede a Paglia Orba è u Capu Tafunatu.
Eccu una vista panuramica di u lagu sanu :
Una vista di 360 da a Bocca à a Stazzona :