1

U paisolu di Chidazzu pare d'esse statu criatu un pocu innanz'à Marignana. Hè mintulatu frà e cummunità di a pieve in lu 1530 ma micca in lu 1485. Cum'è forse tutti i paesi di a parte alta di a pieve, hè stabulitu ind'un locu di trasforu di i pastori trà e piaghje di u Sia è di u Salognu è e muntagne niulinche. Hè pussibule ch'ellu fussi custruitu appena à l'insù di u paisolu ughjincu, datu a prisenza di l'antica ghjesgia San Niculà di sopr'à u paese. Hè postu à un'altitudine un pucarellu infiriore à quella di Marignana, trà 630 metri è 670 metri, ed hè luntanu circa 1,5 chilometri da Marignana.

Face chì e rilazione cù Marignana sò di sicuru sempre state strette è numarose, ed hè naturalmente divintatu parte di a cummuna di Marignana quand'elli sò stati difiniti i tarmini cummunali versi u 1862 sott'à Napulione III.

D'istate pò cuntàe à belli 80 abitanti, ma oramai ùn ferma più cà 2 abitanti parmanenti.

u scrittoghju à l'intrata di u paese	vista da una strada	vista da a croce	vista da u principiu di a strada

torna da a croce. Si vede u Pinzolu di sopra	Chidazzu sott'à u Pinzolu, da a croce	u Pinzolu vistu da Chidazzu	Chidazzu vistu da u Pinzolu

listessa vista, senza aggrandimentu	sempre da u Pinzolu	Chidazzu da a surgente chì sorge à l'insù di u paisolu	Chidazzu vistu da a Sulana

piazza di u paisolu	stretta principale è piazza viste da l'altru cantu	a stretta principale è a piazza	una casa chidazzese

facciate daret'à a piazza	a casa da duv'ellu parte a strada	una casetta. Forse un grataghju ?	a ghjesgia San Francescu Saveriu

un'antra vista di a ghjesgia	Chidazzu vistu da u tarrenu à bocce in Marignana. à u prima pianu, a Petra Linta	Chidazzu supranatu da u Capu à u Monte. À dritta, s'avvede u Capu d'Ota	Chidazzu sott'à u Capu à u Monte vistu da a casa detta "di a Signora" in Marignana

Chidazzu vistu da Marignana	Marignana vistu da a strada chì parte da Chidazzu. Si vede dinò da dritta à manca : u Monte Tozzu, i Capi Suariccione è di Melu, un pocu di a furesta d'Aitone è u Capu à a Cuccula. A manca trà e fronde, s'avvede appinarella à Evisa	listessa vista da a surgente di Chidazzu. Evisa hè quì più videvule	Marignana, Chidazzu, u golfu di Portu visti da u locu i Pastini, in Marignana

Chidazzu è Marignana visti da una strada	Marignana vistu da Chidazzu	Chidazzu è Marignana visti da a croce	Chidazzu è Marignana da i Pastini

Marignana vistu da Chidazzu. Di sopra à dritta, u Capu à l'Acella chì forma à a Bocca à Seve	Chidazzu, quand'ellu hè gattivu u tempu	vista avvicinata, sempre cù un gattivu tempu